Ako ay botanteng Pilipino.
Batid ko na sa aking boto ay
nakasalalay ang kinabukasan ng aking bayan.
Ano man ang antas ko sa buhay,
ang aking boto ay kasing halaga sa boto ng iba, maging sila man ay dukha o
naka-aangat.
Pagkat sa batas at halalan ng
aking bayan, ang lahat ay pantay pantay.
Isang tao. Isang boto.
Bilang Pilipino, pangangalagaan
ko ang dangal at linis ng aking boto.
Pag-aaralan at pag-iisipan ko ng
maigi kung ang aking mga ihahalal ay may sapat na kakayanan upang mamuno sa
bayan at kung sila ay matapat at mapagkakatiwalaan.
Malaya
akong boboto ayon lamang sa aking konsyensya
Lalabanan ko ang sinumang susubok
na dungisan ang aking boto o magtatangka na nakawin ito.
Tututulan ko ang sinumang
mangangahas na bilihin ang boto ko o magdikta sa akin kung sino ang dapat kong
piliin.
Sila ay mga kaaway ng bayan at
kalayaan. Ipagtatanggol ko ang aking boto laban sa kanila.
Ako ay botanteng Pilipino.
Malaya.
Matuwid. Marangal
No comments:
Post a Comment